பருவத்தில் மறுத்துவிட்டப்
பள்ளிச் சீருடையால்;
வயதுக் கடந்து
வளைகுடாவில்
உடமையான உடை!
புதிய ஆடைகள்
உன் மேனியை
மணக்கச் செய்ய;
கம கமக்கும்
ஈர வியர்வை ஆடை
தினமும்!
நமக்கென்றுத் தனிவீட்டில்
உனக்கு ஒரு அறை எழுப்ப;
ஒரு அறையே வீடாக்கி;
அறியாதவர்களுடன்
நான் இங்கே!
கண்டிப்புகள் கசப்பாய்;
கொஞ்சம் வெறுப்பாய்;
உண்மை நெருப்பாய்
தோன்றுகிறதா;
என் தந்தை
விசும்பல் இப்போதுதான்;
இதயத்தில் இறுக்கமாய் எனக்கு;
மீண்டும் ஒரு சந்தர்பம்
வேண்டாம் உனக்கு!
வளைகுடா வாழ்கையின் எதார்த்தம் உங்கள் வரிகளில்.
ReplyDeleteவாலிபத்தை அடகுவைத்து வாழும் வளைகுடா வாழ்கை ஒரு சாபக்கேடு.